[midooo444]

السلام عليكم ورحمه الله وبركاته
الصراحه انا هكتب بالعاميه اكتر عشان لسه مش متمكن من اللغه العربيه سامحونى انا بجتهد وده شيىء غلط فيى وهصلحه
المهم اتكلم شويه عن صاحب الموضوع اولا الناس الكرام فى المنتدى مش بيقفلوا اى موضوع طلاما مش مخالف لكن بصراحه عايزنا نكلمك ازاى وجودك هنا فى المكان ده حاجه من الاتنين يا اما عندك حاجات فى دينك مش عارفها وبتدخل هنا عشان تعرفها وده بيدل على ان فى شخص من مذهب غير اهل السنه والجماعه بيرمى عليك شبهات وانت بطبيعتك متردد
او اصلا انت من مذهب الشيعه وعارف ان مذهب اهل السنه والجماعه بفضل الله والحمد الله مذهب الحق ومتمسكين بالدين ومن غير نفاق ولا تقيه ونقول الحق ولو على رقبتنا فعشان عارف ان هنا المكان الصح فالموضوع صعب عليك فى الطرح عشان حاجه وحده بس مفييييييش تهاون فى دين الله مستحيل حد يلفلك الشوكلاته اللى انت عايزها معلش ده كلام مش مظبوط ده دين ربنا وفيه حاجه كمان يا تاخد الدين كله ومتتركش شيىء منه يا اما تترك الدين خالص وتضلل نفسك تحب تكون مين ؟
تحب تكون مين فى الاخره قدام ربنا انسان ماسك على دينه وعارفه كويس ومش مهزوز ولا عايز حد يغلفله المعلومه ويقوله ده طبق حلويات وده طبق شوكلاته اللى عايز تاكل منه كل ياأخى واللى مش عاجبك بلاش ارميه على جنب الدين واضح وضوح الشمس انت بس ادعى ربنا وسلم امرك لله وحده وخليك انسان عادل مع نفسك ولو فى دماغك اى شيىء بيخالف الفطره اللى اتولدت عليها كعربى وانسان مع ربنا موحد بالله الواحد الاحد فقط لا غير بتحب نبيك اكتر من اى حاجه فى الدنيا وقت ساعتها هتتسابق معانا فى نشر الخير وهتحس بالطعم اللى بتدور عليه من جميع الحلويات صدقنى انا كلمتك بالعاميه ويارب تفهم كلامى لكن لانك معرضتش موضوع محدد فكلمتك كالاخ لاخوه
وكلمه فى ودن اخويه ( مفيش شيىء قبيح هنا )
وان شاء الله تستفاد من كل حرف بينكتب فى المنتدى وكله فى سبيل الله
وللعلم كل الناس اللى هنا دى انا اعرف شخص واحد بس فى المنتدى وانا على يقين تام انهم كلهم افضل من بعض ربنا يبارك فيك وفيهم
السلام عليكم ورحمه الله وبركاته