اخوتى الكرام لكل من دعا لى جزاك الله كل خير
و بجد شكرا على الترحيب الجميل دة بجد حسيت ان انا بقالى سنين معاكم فى المنتدى
شكرا للترحيب الرائع دة فعلا هو دة الاسلام و اخلاق المسلمين
الى: منصور ابو حسين
اكيد لا انصح احد بذللك
الى : ابو جهاد
شوف و كأنك فعلآ عارف حالتى و حاسس بيا
يا راجل دة انا اصبت فعلا بمرض الوسواس القهرى
انا درست الاديان كلها الاسلام هو الحق
و درست المذاهب كلها السنة هى الحق
انا مع ان الشك مالى قلبى و زى ما قلت قبل كدة انا 60% الحاد
بس فى حاجات بفكر فيها بتثبت الواحد على هذا الدين ذى
لما محمد رسول اللة يقول و لا تجعل مصيبتنا في ديننا
و فعلا اكبر مصيبة لما يحصلك شك فى دينك هل يعقل ان واحد ادعى النبوة يقول كدة
و السؤال الاكبر
اذا كان محمد ليس رسول من عند اللة لماذا ادعى النبوة ؟؟؟ و السؤال دة من ساعت مناظرة النصارى و محدش عارف يجاوبنى حتى الملاحدة نفسهم
و يا اخى كلامك مظبوط الالحاد ملوش ملة
الملاحدة بينادوا بالحرية الجنسية - حرية شرب و بيع الخمر فى مصر ---- الخ
و فعلا كلامك مظبوط
أما سبب الإلحاد فى المرحلة الحالية التى يقع فيها شبابنا هذه الأيام هو :
1- فراغ دينى وإيمانى واعتقادى عند الشباب الذى غاب أو غُيب عن دينه.
2- التعرض لشبهات الملاحدة الذين لا يجيدون سوى هدم ما شيده الآخرون
انا تعرفت على العديد و العديد من الملاحدة عن طريق الفيس بوك و فعلا كلامك مظبوط
اغلبيتهم من النوعين و كمان يا اخى مفيش حد بيرد على اسئلتهم
انا ايام البحث فى الاديان - كان فى شبهات عن السيدة عائشة من خلال الكتب و النت معرفتش ارد فقلت اسئل شيخ من شيوخ الجوامع تخيل لما اروح لشيخ و اسئلة هى اية العلة ان سيدنا محمد يتزوج واحدة صغيرة فى السن عندها تقريبا 9 سنين تخيل اية يكون ردة : و انت مالك هى عايشة كانت اشتكتلك اما انت شاب غريب توب الى اللة .
ودة للاسف حال لغلبية مشايخنا فى مصر ولا بيحلوا ولا بيربطوا
مع العلم ان اللى جوابنى عن شبهات السيدة عائشة شاب تعرفت بية عن طريق النت فى كلية طب - ملوش علاقة بدراسة الدين - هوا اللى جاوبنى و اقنعنى مية المية ورد على تساؤلات كتير
و هى دى المشكلة مفيش حد بيجاوب سايبين الشباب و كل اللى هما فالحين فية يطلعوا على الفضائيات و يشتغلوا فى الفتوى التيك اواى
و المشايخ الكويسة اللى عايزة تخدم الاسلام و الملمسن امثال وجدى غنيم - تطرد برا البلد
و كمان انا فى حاجة غريبة اخدت بالى منها من خلال الفيس بوك الملاحدة المصريين بيتكلموا عن اسرائيل كويس و ليهم علاقات مع عرب فلسطين دة يا راجل عاملين جروب اسمة علاقات طبيعية مع اسرائيل متخيل
بس بردة عندهم اسئلة فعلا تخلى الواحد يشك فى دينة
و انا للاسف الاسئلة دى ما بقيتش مجرد شبهات بل اتحولت اسئلة واستفسارات
الملاحدة بيزعموا ان الاديان هى سبب الحروب فى العالم و هى اللى هتقضى على العالم
الملاحدة بيزعموا ان الملحدين عمرهم معملوا حرب و قتلوا حد
الملاحدة بيقولوا و احنا لية نعمل حرب او نحارب بعض و نضيع حياتنا فى حروب بدل منقضى حياتنا فى سلام و محبة
الملاحدة بيزعموا انة مفيش حياة بعد الموت - البعث- و ان الانسان لية فرصة واحدة يعيش فلية يضيع الفرصة دى فى كارهية الاخرين و محاربة الاخر و افشاء الحروب
بيقولو احنا نعيش فى سلام و امان و كأن العالم دة كلة قرية صغيرة
فية بردة حاجة غريبة انا كنت فاكر ان الملاحدة دول ناس علشان مؤمنين ان مفيش رقيب عليهم فهما عايشين حياتهم بس فى الملذات و هو فعلا فى كتير منهم كدة بس فى نفس الوقت فى ناس منهم عندهم اخلاق
و مرة تانبة شكرا على ردودكم جمعيا و خاصة الاخ الفاضل ابو جهاد و يا رب تكون توبتى على يدة
|