اخي الكريم .. لابد ان تكون نظرتك لي ولقصتي أعمق من ذلك ..
أتعلم مدى تأثير كلامك هذا علي
قلي لو كنت مكاااني وامك وابوك واهلك كلهم شيعه وش بتسوي تذبح عمرك ولى يضل هالشي ملاحقك ليما تموت
لم اكن قط شيعيه انما من نسل شيعه وعلى فكره الشيعه ومذهبهم دخيل على الإسلام اصلا وسببة فتنة عبد الله بن سبأ
ظهر الخلاف والمنازعات بين المسلمين في تلك الفتره
قلي وش ذنبي انا .. ترى من وعيت على هالدنيا وانا قاعده أطقس وادور وابحث وعلى فكره الفطره الإسلاام تفهم يعني شنو إسلام يعني انا مو عمري 40 او حتى 30 علشان تقولي كنتي شيعيه من جد حرقت دمي حط نفس دقايق في وضعي دقايق بس والله تحمد الله ليل ونهار وتعرف ان النعمه اللي عندك مهي عند غيرك والله اكتب وانا وأصيح وربي شاهد علي انا من يوم عمري 14 سنه وانا متحققه من الدين ومتعذبه ومنذله كلنا يقول يبي يجاهد نفسه لكن ابتلاء الله عظيم لاتحسبه هين والله اني معصوره من الألم اذا انت رجال وقلبك قوي انا قلبي ضعيف لو اطلع غصة هالزمن كله صدقني تصيح وانت قاعد انت اذا بتسمع المشكله مو نفس لما تعيشها لاتقولي مره ثانيه شيعيه والله ماأسامحك
كل بنت تحتاج اسره قلي وينها اسرتي ؟؟ كل بنت تحتاج دراسه وحياه قلي وين مستقبلي ؟؟ كل بنت تبي تفتخر بدينها وتتفقه فيه انا ويني ؟؟ كل بنت تبي تتزوج ويصير عندها عيال انا ادمرت حياتي ؟؟ وحتى اذا تزوجت مسير اللي بيتزوجني بيعايرني ويقول نفس ماقلت انت ياشيعيه يابنت الشيعه صح او لا
ماكان ودي اتكلم معاك بهالطريقه بس حط نفسك مكاني دقيقتين والله بتعذرني
اما بالنسبه الى طلبك على رااااسي مستعده اشرح شرح مفصل عن مسيرة السبع سنين بس خليني اهدى بعد كلمتك اللي تعصر الروح
اذا اخوي الشيخ سعد توه فاهم والله يثبته وتوه يطقس في الدين انا من يومي صغيره ( انك لاتهدى من احببت ولكن الله يهدي من يشآء )
المغتربه في ديارها