[الاسلام ديني]

يا سمر ان كانت قصتج صادقه ام كاذبه ماعلينه....
لكن انا هم من العراق والله القتل والذبح الي ديصير كله علشيعه وكلهم تهجروا وكل القتله المجرمين يدعون انهم انصار السنه واخوان المسلميين وغيره وغيره ينسبون نفسهم للسنه ومليون % سامعه وتدرين بهاي الجرائم ..يعني هسه احنه لازم نعامل كل السنه مثل ميعاملونه هذوله اليدعون انهم سنه ويحللون قتلنه وامام الناس ويسجلون شرائط فيديومفتخريين بالذبح وينشروا بوكالات الانباء وخالين وراهم لوحه كبييييره مكتوب عليهه انصار السنه..يعني هيه هاي السنه هيج تفتخر بذبح البشر وامام اعين الملايين.؟واحنه من نشوفه منكول هذوله سنه حته لو يدعون هيج نكول هذوله ارهابيين ومينتمون للاسلام طرفة عين لان الاسلام حرم قتل النفس بغير حق ..طيب وين الحق حته يقتلوا بس لانه شيعي هسه لو امريكي ميخالف هذوله محتليين.. بس ليش الشرطي المسكين او الشيعي الفقير يإما يهجمون علبيته أويوقفوا بالطريق وياكدون علهاي الشغله انه :هذا لان شيعي قتلنا في سبيل نشر الفتنه والارهاب..وياما وياما اكيد سمعتي بمنطقة اللطيفيه الي تقتل بييهه المئات وكلهم يدعون ان همه انصار السنه المجاهديين ويقطعون رؤوس الشيعه والله كان الي إسمه علاهل البيت كان يخاف يروح ..ومن منطقتنه كومه راحوا ضحايا لمثل ذوله الارهابيين وهمه لابحال الاسلام ولاشي كل هدفهم الفتنه مينتمووووون للاسلام لان همه بمناطقهم السنيه هم نفس الحاله والله بسامرا وبالرمادي وبغيرهه يعانون منهم وهمه سنه نفسهم(وانا من اتكلم مو اشاعات وحسب مااسمع كله شي عايشي احنه نفسنه)..
وهذوله مثلهم مثل ذوله الي مسمين نفسهم جيش المهدي بريء منهم المهدي ..أي مسلم يقتل مسلم هذا الاسلام والمسلميين بــــــريء منه وكل الطوائف والاسامي الي يخلوهه بس حته يغسلون مخ الاغبياء الي يصدقوهم..وهمه نفسهم ذوله المسمين نفسهم جيش المهدي اذوا الشيعه وعيشونه برعب لفتره طويله واخذوا شباب كومه وشفتي شسسوا أمام مرقد الحسين ع واحرقوا السيارات والبنايات وهجموا علزوار امام المرقد يعني تعتقدين اليسوي هيج هذا مسلم ؟سني كان اوشيعي؟
واكبر دليل اذا تذكرين شون الحكومه اول مابدت بخطة الامن لاحقت اتباع جيش المهدي الى أن صفتهم همه وامثالهم اليدعون انصار السنه..طيب الحكومه شيعيه اذا كانوا هذوله صدك شيعه ماكان سوت بيهم هيج..بس لانهم باااااطل
ويااختي ماطول عليج بالكلام صح احنه مختلفين بعض الاشياء وكلمن مقتنع بعقيدته وبادله لكن ربنه واحد وكتابنه واحد (الي حرم القتل بآيات صريييييييحه)ونبينه محمد .يعني متوصل حد القتل واذا وصلت فبدون كلام هذا مومسلم..
وشيحجون هذوله اعدائنه المتطرفين بعقيدتهم الي حته السنه اتبرت منهم او غيرهم وشينافقون علينه والله لتصدقيهم هذا حقد متوارث على اتباع اهل البيت.
الله علظالميين