إلي مريض الوسواس
د/أحمد الموجي
مدرس.م. الطب النفسي
كلية طب المنصورة
دايما تحلم بالمثالية
نفسك تبقى الدنيا نضيفة
وكلة منظم مية المية
غاوى ترتب كل حاجاتك
وعلى السطر تمشى حياتك
تزعل جدا م الهمجية
***
يا أبو القلب نضيف وبرئ
بصراحتك معجب يا جرئ
و ضميرك له صحوة قوية
بس أنا يا ابن الناس
تفهم مفهوم الوسواس
لجل تحافظ ع النفسية
تيجى الفكرة وترمى الخيط
تمسك شئ هايف وعبيط
بس بيكبر بعد شوية
لما الفكرة تسابق فكرة
و أنت وراها مصر بشدة
انك تسابقها و تسبقها
لكن الفكرة هاتسبق هية
***
تزعل طبعا حقك تزعل
إن الفكرة الهايفة بتقدر
تقلب رأسك كل شوية
وعيش كئيب أنت يا مسكين
و اسهر متوتر و حزين
علشان رجلك جت في الخية
لما اترمى قدامك خيط
م الفكرة أخدتة وكريت
واهى فكرة رمت بك للتانية
كان م الأول سيبها وطنش
ها تضايقك. انسى وما يهمش
واشغل نفسك بحاجات تانيه
وحاول تكسر مرة نظامك
في رتابة و ملل أيامك
و اخرج لسة أمل قدامك
واملى حياتك بالملاغيه
ونضافتك دى كتيرة شوية
غسل الايد من مرة لمية
لا قالت سنة و لا قال فرض
يا مخلوق من طين الارض
انسي طموحك في المثالية
__________________
قـلــت : [LIST][*] من كفر بالسـّنـّة فهو كافر بالسنة وكافر بالقرآن ، لأن الله تعالى يقول : (( وما آتاكم الرسول فخذوه )). [*] ومن كذّب رسولَ الله ، فهو كافر بالسنة وكافر بالقرآن ،لأن القرآن يقول : (( وما ينطق عن الهوى إن هو إلا وحي يوحى )). [*] ومن كذّب أصحاب النبي - صلى الله عليه وآله وسلم - فهو كافر بالسنة وكافر بالقرآن ، لأن الله سبحانه يقول فيهم : (( رضى الله عنهم ورضوا عنه )). [*] ومن كذّب المسلمين فهو على شفا هلكة ، لأن القرآن يقول : (( يأيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين )) والنبي - صلى الله عليه وسلم يقول : ( من قال هلك الناس فهو أهلكهم ). [/LIST]
|