انا هحكى الحكاية من الاول
انا شاب 24 سنة مصرى الجنسية
من 3 سنين تقريبا كنت بصلى بس مش ملتزم بالصلاة بس كنت بحاول الالتزام
و كانت كل معلوماتى عن الاخر
المسيحية : كفرة و هما عرفين انهم كفرة بس بيكابروا و خلاص
الشيعة : بيعبدوا سيدنا على
الملحدين : ناس كفرة على شان الخمرة و المخدرات كلت دماغهم
اى دين اخر : اى كلام و ناس كفرة
تخيلوا يا جماعة لما اكون ساعتها شاب عندى 22
ولا 21 سنة و دى كل معلوماتى عن الاخر
و دة مش حالى لوحدى معظم شباب مصر المحروسة كدة
المهم فى يوم من الايام عن طريق الصدفة كنت بتفرج على كليبات على اليوتيوب لمحت فيدهو مش فاكر اسمة بس تقريبا كان اسمة - الاخت المرتدة - و طبعا اللى كان عاملين الكليب دة مسيحين و من ساعتها عرفت المسيحين و زكريا بطرس - و ما ادراكم بزكريا بطرس - انجس اهل الارض
و ساعتها كنت فى صدمة من اللى هو بيقولوا على الاسلام و اللى صدمنى اكتر انة كان بيقول فين شيوخ الازهر يجاوبونى و فعلا شيخونا ولا هما هنا
و كان ردهم دة كلب مينفعش نرد علية و كانت صدمة بالنسبة ليا
و ساعتها وقفت مع نفسى وقفة و قلت هو انا مسلم لية علشان اتولدت مسلم - مسلم بالوراثة يعنى - ولا علشان انا مقتنع بالاسلام 100 فى المية
و للاسف الشديد كنت مسلم علشان اتولدت مسلم فقلت انا مؤمن بوجود خالق يس فين طريق الخالق دة فين دينة الى ارتضاة للناس
هو ربنا وهبنى عقل فلازم اعرف بية الحقيقة
و فعلا بدات البحث فى الاديان ( الاسلام - و المسيحية ) ايهما دين اللة
و بعد تقريبا سنة من البحث و النقاشات و المنظارت و البال توك
وصلت ان
اشهد ان لا الة الا الله و ان محمد عبد و رسوله
و خلال بحثى الدين المسيحى انهار قدامى ( ثالوث - لاهوت - ناسوت - صلب - فداء - خطيئة ----- الخ )
مسيحية اية بس بقى دة دين
و عشت فى قمة السعادة بعد و صولى للحقيقة بالرغم من ان جوايا اسئلة محدش عرف يشفى غليلى فيها
لحد ما فى يوم من الايام عن طريق الصدفة دخلت على مدونة واحد ملحد
اول انطباع ليا اعوز بالله من غضب الله بيسب الله و رسوله
ودى كانت بدايتى بالتعرف على الالحاد
و دخلت على الفيس بوك جروب بردة عن الالحاد و من ساعتها الحرب النفسية اشتغلت تانى و الاسئلة و الاستفسارات زادت و للاسف مفيش حد يجاوبنى و دة السبب اللى خلانى اخش المنتدى دة باحث عن اجابات تشفى غليلى
يا جماعة انا بكل ندم بقول الكلام دة
انا مقتنع بالاحاد بنسبة 60%
انا مبقتش بصلى
النهاردة الجمعة مرحتش الصلاة و قلبى بقى عامل زى الحجر
بس بردة لسا مؤمن بالله و رسوله بس مش باقتناع زى قبل كدة ساعدونى ساعدكتم الله و هى دى اهم استفساراتى اتمنى انكم تجاوبنى و تكسبوا فيا ثواب قبل كدة لما احترت بين الاديان بعقلى قدرت اوصل للحقيقة
بس دلوقتى عقلى بيقولى الالحاد مش عارف اعمل اية ساعدونى ساعدتكم الله
الاستفسارات :
لماذا لم يذكر الله الحيوانات الاخرى غير الصحراويه مثل الببغاء و البطريق و أكل النمل و القنفد و الزرافه .. رغم أنهم من الحيونات الغريبه و التى تثير التساؤلو منهم من يتكلم مثل الببغاء
لماذا لم يذكر الله ظواهر طبيعيه معجزه مثل الشفق القطبى ، الاعاصير ، البراكين ، تضاد الفصول فى الجنوب عنها فى الشمال ، قوس قزح، المد و الجزر
الظواهر الكونيه مثل الثقوب السوداء و الكواكب التى تدور حول شمسين و الأقمار المتعدده للكوكب الواحد
لية القران بيتكلم بس عن مخلوقات الجزيرة العربية
نقطة تانية
انت مسير ولا مخير
من الاخر يا جماعة احنا مسيرين
ربنا من ملاين السنين كتب ان فلان الفلانى هيكفر و يخش النار
يبقى لية هيحاسبوا هتقولى لا
هو فلان الفلانى دة كفر بارادتة ماشى
ما هو مين اللى ادالة الارادة دى مش ربنا يعنى بردة ربنا عارف انة هيكفر بية
مثال عن الجبرية و الحتمية
: انا و ابنى انا عارف ابنى كويس جدا جدا جدا و عارف هو هيتصرف ازى
ممكن ناس تيجى تقولى لو النهاردة ابنك الساعة 10 جبنالوا خمرة هيعمل اية
هرد و اقول : ابنى هيقول لكم الخمرة حرام و لا يكمن اشربها
و فعلا جت الساعة 10 و جابوا لابنى الخمرة و قال الخمرة حرام و لا يكمن اشربها
انا توقعت ابنى هيعمل اية من غير ما اجبرة على حاجة
و دة ربنا اللى بيعملوا معانا بيدنا حرية الاختيار و احنا بنتصرف على اساسها
و دة كان اكتر مثال اقنعنى عن الجبرية و الحتمية بس ثوانى
لو افترضنا العكس
انا قلت لابنى لو شفتك بتشرب خمرة هضربك
و انا عارف و متاكد انة الساعة 10 هيشرب الخمرة
فهل من المعقول انة احاسبة على حاجة انا عارف انة هيعملها دة اسمة ظلم
نقطة تانية
بنو قريظة
اية سبب قيام الحرب ؟
نقطة تانية
ملايين المليارات من البشر ممن عاشوا طوال السنوات الماضية, وبحسب القرآن والسنة فإن الله سيحاسبهم كل على حدا, هل من المنطقي أن يحاسبنا الله فرداً فرداً يوم القيامة
نقطة تانية
اذا خيرتك بين خيارين, اذا اخترت الأول فلك 100 دولار, واذا اخترت الثاني فسأقطع عنقك.. هل أعطيتك في هذه الحالة حرية الاختيار ؟ هل يمكن أن تجتمع الحرية والتهديد معاً ؟
نقطة تانية
ماذا سيفعل الله بعد انتهاء الحساب ودخول المؤمنين للجنة ودخول الكفار للنار ؟ سيخلق بشر آخرون ؟ أم سيستمتع بمشاهدة المؤمنين في الجنة والكفار في النار يا ترى ؟
نقطة تانية
شخص لا يؤمن بالله عاش حياته وكرسها لخدمة الانسانية ومساعدة الضعفاء والإنفاق عليهم, وشخص آخر مؤمن بالله يصلي فروضه الخمسة في المسجد وبعدها يذهب ليسرق الفقراء ويقتل الأبرياء ويحارب الضعفاء ويضر بلده وأمته, أياً منهم يستحق أن بخلد في الجنة وأياً منهم يستحق أن يخلد في النار
نقطة تانية
موضوع سفينة نوح
: هناك مابين 10.000.000 الى 100.000.000 فصيلة من الحيوانات بشكل عام, وبما ان الله امره ان يأخذ من كل زوجين اثنين فهذا يعني انه اخذ معه مابين 20.000.000 و 200.000.000 حيوان, هل تقر بمنطقية هذا الكلام؟
: هناك 25.000 فصيلة من الفراشات, 10.000 فصيلة من الطيور وحوالي
5.000 فصيلة من الخنافس .. هل اخذ من كل زوجين اثنين ايضاً ؟
: هندسياً, هل يمكن ان تتحمل سفينة مصنوعة من الخشب هذا الكم الهائل من الحيوانات والديناصورات ؟
: في تفسير الجلالين لهذه القصة وجدت هذا الجزء “وفي القصة أن الله تعالى حشر لنوح السباع والطير وغيرهما فجعل يضرب بيديه في كل نوع فتقع يده اليمنى على الذكر واليسرى على الأنثى فيحملهما في السفينة” يعني أن نوح كانت لديه القدرة على خلق الحيوانات, لماذا طلب الله منه ان يخلق الحيوانات ويأخذها الى السفينة ؟ لماذا لم يوفر هذا العناء ويخلق الحيوانات بعد نزوله من السفينة وبعد انتهاء العذاب لتوفير المساحة ؟
و دى كانت جزء من الاسئلة اتمنى انكم تجاوبونى و تثبتونى على الطريق الصحيح جزاكم الله عنا كل خير