[كن مع الله]

اقــــتـــــرب رمضــــان


فهــل استعــددت لـــــه ؟؟؟؟











ومـــــا بــــاقــى الا 13 يـــــــــوم عــلــى رمضــان




خلاص يا جماعه رمضان داخل علينا كل سنه وانتوا طيبين



يا ترى احنا استعدينا للشهر الفضيل ده ولا لسه؟



انا مش اقصد الاستعداد المادى انك تشترى الاطعمه والاشربه لالالا













اقصد الاستعداد الروحانى


اننا نستعد بتطهير قلوبنا وتدريبها على العباده من دلوقتى علشان تسهل علينا فى رمضان









مهو احنا قبل اى حاجه لازم نستعدلها

فريق الكوره لو كان فى ماتش بطوله او كاس او اى مسابقه مهمه قبل الماتش يمكن بسنه

بيستعدوا ليه


يبقوا فى معسكر مقفول وتدريبات واستعدادات وتركيز

لانها دى بطوله مهمه ازاى يخسرها فبيستعد ليها قبل ميعادها بفتره

وكذلك ر مضان يا جماعه فر صه ذهبيه لو ضاعت مننا والله هنبقى خسرانين


ومش اى خساره


ده انت هتخسر الر حمه والمغفره والعتق من النار

هتخسر فرصه القرب من ربنا

هتخسر ليله القدر

هتخسر النفحات والرحمات اللى هتنزل على المؤمنين فى رمضان



لذلك استعد لرمضان من دلوقتى ,, فرصه قبل ما يخلص شعبان

علشان لما يجى رمضان بقى تبقى على كامل الاستعداد ليه ..









طيب السؤال المهم هنا ..



ازاى استعد لرمضان ؟؟؟



هقولك



تستعد لرمضان


بالتوبه النصوح



نتوب بقى من كل ذنب عملناه ..


نتوب من الغيبه والنميمه والكذب والنفاق والرياء وسماع الاغانى


نتوب من كل ذنب ..


نتوب من الذنوب الظاهره والباطنه


نتوب توبه نصوح يا جماعه



ده احنا كل ذنب عملناه مسجل علينا دلوقتى فى صحائفنا


اوعى تتصور انك اول ما تعمل اى ذنب مش هيتسجل عليك لالالا


كل شى مسجل مدون فى كتاب لا يضل ربى ولا ينسى



الصغيره قبل الكبيره مكتوبه ومسجله عليك



واحنا بقى دلوقتى فى شهر شعبان


الشهر اللى بترفع فيه الاعمال الى الله



يعنى الصحف بتاعت السنه اللى فاتت عمال تترفع دلوقتى لربنا


هل انت راض بقى ان تترفع صحيفتك بكل الذنوب اللى انت عملتها ؟


هل انت راض ان صحيفتك تترفع لربنا وفيها

كذب وغيبه ونميمه وسماع اغانى ومسلسلات

وعقوق والدين وشهاده زور ؟؟؟

راض بكده ؟؟؟؟


اكيد لا مش راضى



طيب يلا بقى توب لله بسرعه علشان الصحف بتاعتك تتترفع بيضاء نقيه



والتوبه النصوح يا جماعه ليها شروط




اول شرط .. الاقلاع عن الذنب



يعنى ترك الذنب اللى انت بتعمله لو كنت بتسمع اغانى تبطل
لو بتكذب تبطل
لو بتغتاب الناس تبطل
لو بتمشى بين الناس بالنميمه تبطل
يعنى من الاخر تبطل كل الذنوب والمعاصى



ثانى شرط من شروط التوبه


الندم ,, تندم انك عملت الذنوب والمعاصى يكون جوه قلبك ندم
وابشر فالندم توبه


ثالث شرط من شروط التوبه



العزم على الا تعود للذنوب مره اخرى
يعنى تخط فى نيتك وتعاهد ربنا انك مش هترجع مره تانى للذنب الفلانى



وخلى بالك هنا


لو وقعت فى ذنب غصب عنك مره تانيه اوعى تياس من رحمه ربنا لالا

ارجع تانى لله وتوب

ولو وقعت مره تانى برضوا اوعى تياس ا رجع لله مره تانى

دى شروط التوبه



تانى حاجه علشان نستعد لرمضان نذكر ربنا كتتتتتير


وذكر الله هيرقق القلب والله هتحس بحاجه حلوه جوه قلبك بلذه لا يعلمها الا الله

وذكر الله هيذوب طبقات الران اللى على القلب .. اللى تكونت بسبب المعاصى والذنوب


وتتحول قلوبنا










اذكر ربنا كتتتتتييييييير اووى




ثالث حاجه


ادعى ربنا انه يبلغك رمضان

خامس حاجه لو كنت مخاصم حد صالحه

سادس حاجه اقرا قرءان علشان تبقى مستعد لما يجى رمضان

سابع حاجه صلى قيام ليل على الاقل ركعتين كل يوم

وممكن تزودهم بعد كده اربع ركعات وهكذا علشان تبقى متعود على قيام الليل فى رمضان



علشان ما يجى رمضان نكون مستعدين






























والسلام عليكم ورحمه الله وبركاته