[المقتدى بمحمد]

بسم الله الرحمن الرحيم


الدرس الثامن

قبل ما نبدا شرح الخطط والمنظومات مطلوب منك الادوات وهى الكتب:



اعرف ان الكتاب هو سلاحك وانك بدون الكتاب تقريبا تساوى صفر كنز جميع الطلاب المتميزين هى كتب المعلم وان شاء الله هنشرح حل شفرة التعامل معاه لية:



كتاب المعلم تقريبا لا يخرج عنة معظم اسئلة الامتحانات ومنظومتة منظومة عظيمة جدا وخاصة كتاب المراجعة المهم :



-كتاب المعلم لها شفرة يعنى مش اى حد يمكنة المزاكرة منه والاستفادة يعنى لية نظام معين وخطط علشان تزاكرة زاكرتة صح هتدخل الامتحان وانت متميز فى اجابتك وهنشرح كيفية التعامل معاة.



-كتاب المعلم يوجد معظم اسئلتة محلولة اما المراجعة كلها محلولة.



-اجابات امتحانات كتاب المعلم موجود عليها توزيع الدرجات ودى هتوريك ازاى انك ممكن تحل صح وتاخد نصف الدرجة.




اللغة العربية: كتاب المعلم شرح + كتاب المعلم مراجعة نهائية واحد منهم ما ينفعش لازم الاتنين+ يفضل مزكرة جامعة لقواعد النحو وان شاء الله هاتصرف وارفعها على المنتدى.



اللغة الانجليزية: كتاب surprise +مزكرات تحتوى على الوحدات ويفضل تكون معاك كمان كتب قديمة محلولة +my teacher ان امكن.



اللغة الفرنسية: مزاكرات المادة + كتاب الوسام ان امكن.



-الرياضيات 1والرياضيات 2 : المزكرات ودى اهم من الكتب هنا + كتاب لامى بتاع الامتحانات بس لانة بية امتحانات من الثمانينيات وممكن يكرر فكرة منهم موجود بمكتبة العهد الجديد.



-الكيمياء : المزكرات + كتاب المعلم شرح + كتاب المعلم مراجعة نهائية.



الفيزياء: ارمى المزكرات وخطوة بخطوة مع كتاب المعلم شرح وفى اخر كل صفحة مكتوب فى الاسفل اسئلتها السابقة فى الامتحانات مجاب عليها فى كتاب المراجعة يعنى لازم يكون معاك المراجعة فى نفس الوقت والله الامتحان والافكار لن تخرج من هذا الكتاب + كتاب الوسام مراجعة نهائيا الكتاب دة فية افكار ممتازة .



بقية المواد بردة كتاب المعلم شرح + المراجعة او اى كتاب تكون اسئلتة محلولة.



تنبية :



- يفضل ان تكون معاك الكتب من اول السنة الدراسية منين ؟...........تشتريها من بتاع الكتب المستعملة ودى موجودة فى كل حتة على الرصيف .



-كتب المعلم مجرد ما تفتحها وتزاكرها هتتغير مفهوم المواد بالنسبة ليك تماما .



-المراجعة النهائية للمعلم محلولة باجابات مثالية جدا والامتحانات المحلولة موزع عليها الدرجات .



-يحتوى على اسئلة كثيرة جدا ومحلولة وامتحانات كتيرة جدا.



-سيتم شرح ونظام التعامل مع كتاب المعلم وهتعرفوا قيمتة.

لو معاك كتب تانية غير دى ياريت متبصش عليهم ولو حابيت تشوفهم يبقى بعد ما تخلص مزاكرة من الكتب المزكورة وطبعا حضرتك هتشوف الفرق بين كتب الطالب المتميز وبين الكتب اللى بيقولهالك المدرس.