والآن اسمح لى أن اضع أمام عينى مشاركت الأولى التى تفضلت بوضعها هنا وهى :
اقتباس:
المشاركة الأصلية كتبت بواسطة cold
اتمنى خلال النقاش محدش يغلط فيا زى يا كافر يا ملحد يا زنديق انت دمك مهدر الخ
انا حتى هذة اللحظة لم اعلن الحادى و فى نفس الوقت لم اعلن توبتى انا فى المنتصف و فى المنتصف بين الاحاد و الايمان
زميل بو جهاد
كتير كننت بتمنى انى اكون شاب عادى زى اى شاب كل اللى فى دماغى كورة شغل فسح خروج ---الخ
مع اعطاء ربنا حقة فى الصلاة
بس للاسف انا مش كدة
انا بكل بساطة شغلت عقلى و عقلى قالى ان مينفعش يكون فية ربنا و الموضوع احتمال كبير ميكنش اكتر من كذبة
لية كل الاديان ليها رسول واحد بس
لية المعجزات انقطعت
مفيش دليل علمى واحد عن اى معجزة اى دين بيتكلم عنها
لية ربنا ميكنش ظاهر للناس كلها و يكون واضح زى الشمس او القمر او غيرة او يكون ربنا نور جامد فى السماء و النور دة يكون نور عرشة مثلا
و ساعتها ربنا هيكون معروف للبشر اجمعين و ايضا ساعتها اللى يكفر بية فعلا يستحق العذاب الابدى
لية ربنا كلم الانبياء فقط و لية الانبياء دون البشر هما اللى اصطفاهم مش هو اللى خلقهم
لية ربنا سايب الاف الاديان على الارض
و لية يعذب واحد كان مؤمن بية و بيصليلة ليل نهار بس كان مؤمن بية عن طريق دين اخر
يعنى انا اعرف واحد مسيحيى قمة فى التدين و العبادة و كل دة علشان ربنا يكون راضى عنة و عمرة ما سرق ولا قتل و لا عمل اى حرام و كلة دة علشان ربنا يرضى عنة لية واحد زى دة يعذب فى جهنم هل لمجرد انة لم يؤمن بالاسلام
اية الغرض من الخلق ؟
بمعنى اخر ربنا هو الاول و هو الاخر يعنى ربنا موجود قبل الدنيا و قبل اى شى
يعنى ربنا فى لحظة قرر انة يخلق الكون اية الفائدة اللى هتعود علية لما يخلق الكون استفاد اية ؟
هتقولى علشان نعبدة
بقى ربنا ذو القدرة الا محدودة هيخلق حبة مخلايق ضعيفة و يسخرنا كل حاجة علشان احنا اللى نعبدة
ما كان ربنا يخلق مخلوقات عظيمة تليق بجلالة مش مجرد بنى ادمين على كوكب الارض و كمان الكون دة كلة الكون الفسيح دة كلة اتخلق علشان البشر و كوكب الارض ؟؟؟؟؟
ربنا خلق الكون ربنا خلق الجنة ربنا خلق النار ربنا خلق كوكب الارض ربنا خلق البشر ربنا بعت الانبياء ربنا اقام الساعة ربنا حاسب البشر ربنا ادخلة عبادة الصالحين الجنة ربنا ادخل عبادة السيئين النار انتهى
ما هى الفائدة المنطقية التى سوف تعود على اللة من هذة الفصة قصة الخلق ؟؟؟؟؟
بحس ان الاديان كلها عبارة عن تتطورات الاساطير
من زيوس و حورس الى اللة و يسوع مرورا بكل الالة الاخرى
اعتقادى اللى لسا لم اجزم بة بعد ان الانسان اخترع فكرة الالة لخوفة من الطبيعة و لعدم القدرة لتفسير العديد من الظواهر الطبيعية و ايضا كغرض سيايى السيطرة على عقول الشعوب و دة لازال يحدث حتى الان
اعتقد لو فية الة كان جاوبنى بدل ما انا بقالى سنين عمال ادعيلة ينور بصيرتى و يهدينى الطريق الصحيح و حتى الان لا يوجد رد
|
__________________
قـلــت : [LIST][*] من كفر بالسـّنـّة فهو كافر بالسنة وكافر بالقرآن ، لأن الله تعالى يقول : (( وما آتاكم الرسول فخذوه )). [*] ومن كذّب رسولَ الله ، فهو كافر بالسنة وكافر بالقرآن ،لأن القرآن يقول : (( وما ينطق عن الهوى إن هو إلا وحي يوحى )). [*] ومن كذّب أصحاب النبي - صلى الله عليه وآله وسلم - فهو كافر بالسنة وكافر بالقرآن ، لأن الله سبحانه يقول فيهم : (( رضى الله عنهم ورضوا عنه )). [*] ومن كذّب المسلمين فهو على شفا هلكة ، لأن القرآن يقول : (( يأيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين )) والنبي - صلى الله عليه وسلم يقول : ( من قال هلك الناس فهو أهلكهم ). [/LIST]
|