السلام عليكم ورحمة الله
حلمت اني شفت امي واختي بيركبون طائره فركبتها قبلهم وحلقت الطائره وكانت طائره للترفيه تطير بسرعه وتحلق فوق الجبال وتتقلب للمتعه يعني مثل الملاهي ولكنها طائره حقيقيه
بعدين طاحت مني فلوس من الطياره عالارض وفي نفس الوقت قالنا السائق بنزل للارض باخذ شاي قلت فرصه انزل اخذ فلوسي
ونزلت وجلست الم الفلوس من الارض كانت فئات الخمسات والريالات وكل شوي انتبه لزياده والمها ولقيت ربطة خمسات كنت باخذها بعدين تركتها قلت لا شكلها مو لي
بعدين رجعت لامي واختي عشان يركبون الطائره لقيت امي واقفه مع ابوي المتوفب في فناء المنزل وجدي المتوفي جالس في المجلس وامي تقول لوالدي ان جدي مايقدر يمشي ويركب الطياره لازم عربيه وابوي مستعجل ويقولها مو لازم يقدر يمشي وهي مقتنعه انه مايقدر يمشي
بعدين دخلت البيت انا وابوي عشان نشوف جدي اذا يقدر يمشي او لا
دخلت اختي داخل المجلس عنده وانا وابوي واقفين عند باب المجلس وشفت جدي لقيته جالس اخر المجلس ومافيه شي ماكان مريض زي اخر حياته
اول ما شفته انهرت وجلست ابكي بصوت عالي واحضن ابوي
بكيت لاني كنت احسبه ميت من زمان لكني شفته رجع
وكنت احضن ابوي واحاول اشبع منه لاني عارفه انه ميت او بيموت
انتهى
ارجو منكم تفسير حلمي وشكرا .
|