[y2j]

انا مش عارف اقول ايه بس انا ملحد مش بعبد ربنا او بمعنى اصح شاكك فى وجوده

انا عايز اتغير لاسباب كتيرة

انا مش عايز ابقى ملحد ونفسى اتغير بس عقلى رافض وقلبى موافق

القصه وانا صغير دخلت فى حوار اديان وكنت متلغبط....وبعد فترة شكيت فى الاسلام وبقيت مش عارف ابقى مسلم ولا مسيحى وبعد كده قررت اخش الدين المسيحى وكنت بتكلم مع ناس فى الايميل بتاعى من المسيحين والمهم فضلت حوالى شهرين مسيحى وحسيت انها لا يمكن تكون دين الله لانها فيها تناقض كتير وبعدين استغفرت ربنا وفضلت اقول الشهاده كل يوم عشان الفترة اللى بقيت فيها مسيحى وبعد فترة حسيت انى بكلم نفسى وان لا يوجد اله اصلا و 8 سنين وانا فى هذا الموضوع

ولكن الصراحة حسيت ان كل ظروفى بتتغير من سوء لسوء واخواتى متقربين من ربنا جدا وحالتهم كويسه ومستقرة لكن انا لاء حاسس انى حظى وحش فى كل شىء

انا حسيت اللى انا فيه ده بسبب الحادى وربنا بيذكرنى بيه

انا قررت انى اتغير

اول حاجه انا طالبها منكم

انا عايز اتكلم فى كذا حاجة

اول شىء هتكلم على فكرى

انا موضوع التطور دخل دماغى و حاسس انه لا يوجد رب وان نظرية التطور حقيقية

وفى حاجة تانيه ازاى ربنا اتوجد

عايز اتكلم عن معجزة معجزة فى الدين لان لو ثبت ان المعجزات حقيقية يبقى اكيد يوجد اله يعمل اشياء لا نعلمها

ياريت نتكلم عن معجزة واحده بالتفصيل


اذا كان الله موجود لماذا لايستجيب الدعاء

اذا كان الله موجود لماذا سايب اطفال الصمال يمتون من الجوع وايه ذنبهم