الاخ ابو عبيدة .. تحياتي
انا مش بتكلم بلساني .. انا بتكلم بلسان المشكك ...
انا مسلم الحمد لله .. بس محتار زيي زي الاخ اللي بيسال
مش شايف اي وجه اختلاف جزري بين الاسلام والديانات الاخرى
كلها ديانات وكلهم قصدهم رضا ربنا
لكن اسمحلي اقول حاجة
انت وكل اللي بيفكر بنفس طريقتك .. ميعرفش اي حاجة عن المسيحية
او اليهودية او حتى البوذية
كل معرفتك عن المسيحية مثلا ان الاله تلات اشخاص في شخص !!!
لكن معملتش حسابك ان في اربعة مليار .. منهم العالم والمفكر والذكي .. بيؤمنوا بالمسيحية
انتو بتتكلمو عن باقي الديانات من وجهة نظر اسلامية وتراكم فكري كبير
لكن السؤال الصح .. لو انت لسة جاي من المريخ حالا .. متعرفش حاجة عن الديانات .. هتختار الاسلام بردو؟؟؟
طبعا هتتسرع وتقول اه .. لكن الحقيقة اكبر من كدة
فكرة التجرد نفسها فكرة صعبة
انت بتفكر في الديانات بصفتك مسلم .. والمشيحي بيفكر بصفته مسيحي
لكن لو حد تجرد في حكمه وتفكيره من اي عقيدة او فكر .. الموضوع مش هيكون بالسهولة دي
ربنا يهدي الجميع
لكن اسمحلي اكلمك بتجرد من اي فكرة او عقيدة
وياريت بردو ترد عليا بتجرد ..
انا شايف ان الرسول استفاد طبعا من الرسالة
كان انسان عادي .. واصبح رسول اسمه مخلد في التاريخ
اصبح قائد للمجتمع اللي هو فيه .. ويامر فيطاع دون تفكير
انا بتكلم من النواحي الدنيوية .. يعني حجة عدم الاستفادة من النبوة دي حجة ضعيفة جدا
وفي نقطة تانية
لو حبيت تقارن بين الاسلام والمسيحية مثلا .. ايه النقط اللي ممكن تقارن بيها
وتكون في صالح الاسلام؟؟؟
شكرا
اتمنى الرد يكون في صميم الكلام .. دون الدخول في شخصي
|