بصراحة يعني ومتزعلش مني موضوعك كله لا يستحق عناء الرد الا في نقطة واحدة وهي
والرد بكل بساطة .. وانت مالك؟؟
انا ازكي ما ازكيش انت يخصك في ايه؟؟ هو انت خالقنا عشان تحاسبنا ولا ربنا اعطاكم تفويض عشان تتدخلوا في زمم الناس وتحاسبوهم علي ايمانهم
مشكلتكم يا اخ موحد -ودي مشكلة عامة- انكم فاكرين ان ربنا لم يهدي احد سواكم وانكم الفرقة الوحيدة الناجية من ال73 فرقة وباقي الفرق هتتلسوع في النار
خليك في نفسك ومعتقدك وقدم زمتك لربنا هو وحده اللي هيحاسبك عليها وسيبني انا مع ربي اصلي له اصوم له ازكي له احج له دي حاجة خاصة ملكش فيها انت .. مش كده ولا ايه؟
اقتباس:
|
ولو احرجته وقلت له اين مصحف الرسول الذي تزعمه
|
وانا ازيدك احراج واقولك مصحف الرسول موجود بين ايديك دلوقتي ولو عندك شك ولو 1% فقط ان المصحف اللي بين ايديك دلوقتي فيه حرف زائد او ناقص عن مصحف الرسول من 1400 سنة تبقي كافر باجماع علماء اهل سنتك وجماعتك :)
اقتباس:
|
هذا من ادلة اهل السنة والجماعة على وجود السنة فهل دلل محاورنا الفاضل على وجود مصحف للنبي
|
محاورك الفاضل مش محتاج يدلل علي وجود مصحف للنبي والدليل قائم بين ايديك الان
هو مش مفروض ان انا بحاور شخص مسلم وان حفظ القران وتكفل الله بذلك من المسلمات بينا ولا ايه .. انا قرات معرفك اسمه "موحد مسلم" مش عارف انت ليك اعتقاد تاني ممكن تصرح بيه ؟؟
بالنسبة للجزء الاول من النتيجة المنطقية اللولبية علي ان دي ادلتكم يا اهل السنة علي كتابة السنة في عهد الرسول فدا كلام ساقط منطقيا اصلا وينقض نفسه بنفسه
ببساطة لان الدليل نفسه اللي انت بتحتج بيه وهو الحديث اصلا لم يتم كتابته الا بعد وفاة الرسول باكثر من 200 سنة .. دا غير ان الحديث اللي انت بتتخذه كدليل انا لم اسلم لك بصحته ولا حتي صحه نسبته للرسول ..دي اصلا قضية الخلاف بينا ازاي انت تستخدم نقطة خلافية لم اسلم لك بها علي انها دليل منطقي ..يعني ينطبق المثل دلوقتي اللي بيقول "قالوا للحرامي احلف قال جاك الفرج" ههههههههه
وحتي لو سلمنا لكم بصحة هذه الاحاديث المنسوبة للنبي وقولنا ان السنة فعلا تم كتابتها في عهد الرسول وعلي يد صحابته الكرام يبقي الطلب قائم بان تخرجوا لنا كتاب السنة الذي تم كتابته في عهد الرسول علي يد صحابته الابرار
وعشان ما تلف وتدور اديك دليل من سنتك اللي انت بتؤمن بيها -ده اسمه دليل منطقي لانه من المسلمات عندك-
في كتاب مسلم وهو من اصح الكتب عندك بعد كتاب الله عن أبي سعيد الخدري أن رسول الله صلى الله عليه وسلم قال لا تكتبوا عني ومن كتب عني غير القرآن فليمحه
تحياتي